نفعل ما نحب ام نحب ما نفعله

استمتع بأجمل نعمة في الدنيا.........

2011-07-23T17:57:00.000-07:00

فكرت لحظه ايه امتع حاجه ممكن تحسها
فكرت ايه متعتك إللي لما تعملها تكون مبسوط و آخر مزاج
فكرت إزاي ممكن تعيش حياة ممتعة و في منتها السعادة

الجواب بسيط، و معروف من زماااااااااااااان
و انت إللي مش عارف تاخد بالك منها
أنت إللي لسه مدوقتش طعمها

ألا و هي الزوجه الصالحة......!!!!
متخيل إن ديه امتع حاجه في الدنيا؟؟؟
متخيل ان ديه اكتر حاجه تبسطك و تحلي حياتك للأبد؟؟؟

قال رسول الله صلى الله عليه و سلم
الدنيا متاع و خيرها المرأة الصالحة
رواه مسلم

ما احلى الحياة في ظل هذه الزوجه
التي إذا غبت عنها حفظتك في نفسها، و تعلقت بك بكل إشتياق
و إذا اتيت إليها وجدتها في اجمل زينة و في شدة الترحاب بك
و إذا امرتها بشيء أو قلت لها شيء فعلته لك بكل حب و دون ادنى ملل

إن هذه المرأة إذا وجدتها، إياك ان تتركها و تغيب عنها.
إياك ان تحزنها في يوم، فستأسف و تحزن بداخلك كثيرا لما سببته من اذى لمشاعرها.
إياك ان تتوقف عن تحقيق امنياتها، فإنها تصرف حياتها ملكا لك، فلا تبخل عليها بأمنيه.

إن هذا المقام ليس مقام تفصيل عن شروط الزوجة الصالحة.
و ليست مقام، جدال بين حقوق الزوجين على الآخر.

إنما هو مقام إعزاز و تقدير لكل زوجة صالحة، و لكل زوج اكرم زوجته من اجل ان يشعرها بالسعادة الأبديه

اسأل الله لكل الإخوة و الأخوات ان يرزقهم الزوجة و الزوج الصالح

تحية للشهداء، و تحية خاصة للثوار

2011-02-12T01:22:00.000-08:00

الله اكبر الله اكبر الله اكبر لا إله إلا الله
الله اكبر الله اكبر الله اكبر و لله الحمد

لقد إنزاح الطاغوت
لقد إنزاح الطاغية
لقد عادت الكرامة للمصريين

و لإزالة الباطل كان لزاما من مجاهدين حق الجهاد.
من مقاتلين من أجل الحق.
من عاملين من اجل المستقبل.
فتحية لكل شهيد من إخواننا الذين استشهدوا من أجلنا.

تحية إعزاز و تقدير لكم أيها الشرفاء الذين أبيتم الظلم.
و خرجتم من أجل إعلاء كلمة الله.
و كلمة الله هي العدل، الحرية.
و منكم من خرج و بنيته من كلمة الله الإيمان به.
فأسل الله أن يتقبل منكم حسن النية.
و أسأل الله أن يغفر لكم سوء القصد.

و تحية لكل من نزل و لم يخش لحظة النظام و ظلمه.
و لكل من تم أسره، أو إصابته بطلقة أو قنبلة غاز أو حتى طوبة و صاعقة كهرباء أثناء المظاهرات.
و أخص بالتحية المبادرين في مظاهرات 25 يناير.
ثم جمعة الغضب 28 يناير صاحبة الفتح الحقيقي.

أما الذين قعدوا في بيوتهم و لم يتحركوا
فأخص منهم بالشكر من وقفوا بجانب إخوانهم في اللجان الشعبية لحماية بيوتهم بينما هم في التحرير.

أما الذين قعدوا في بيوتهم و لم يتحركوا.
و الذين خافوا أو تخازلوا.
فأسأل الله أن يعزكم، و يرزقكم قوة لبناء هذا الوطن.

و الآن، ستعود الحياة.
و لكن بالإصلاح القادم.

إصلاح في كل الأحوال.
في الفرد، و البيت و المنطقة و البلد.
فلقد حان الوقت لنبني بلدنا.

لن نتخازل عن بناء و تطوير بلدنا الحبيبة مصر.
إنه الوقت الآن للعمل.

هيا بنا نعمل على إزالة جحيم الخوف.
و ظلمات اليأس و الخنوع.
و لننير الطريق بالإيجابية و الحركة النشطه.

ستقوم مصر الآن بسواعد أبنائها.
و ليست بسواعد أصحاب التسلط.

ستبنى بأموال طاهرة.
و ليست بأموال الخبث و المحسوبية.

ستبنى بعقيدة الحق و العدل.
و ليست بعقيدة الظلم و السخرة.

مصر بلدنا الآن، و نحن سنبني مستقبلنا معا جميعا.
مع الثوار، مع اللجان الشعبية، و مع القاعدين سابقا.
ليس لأحد من الآن فصاعدا فضل علينا، سوى شهداء الثورة.
فعلينا تبجيلهم و توقيرهم.
و نسأل الله لهم الغفران و تقبلهم.

و سآتي لاحقا بإقتراحات و تجارب الآخرين في بناء مصرنا إن شاء الله.

الإسلام هو الحل!!!

2010-11-12T21:47:00.000-08:00

كان فيه واحد زمان مصري نايم و مستمتع بالنوم.
أزن عليه الفجر و نزل يصلي.
راح جاب الجرنان، و شوية نقانق من الفران عشان يشرب شاي الصباح و يروح شغله

فوجئ بخبر عجيب في الجرنان.
انقلاب علي الملك، و العسكر يفرض الحراسه علي الملك فاروق.
و بعد كام شهر فوجئ بحاجه جديده اسمها جمهورية مصر العربيه.
فوجئ برئيس جديد للبلاد، من بني جلدته.
مهواش عثماني و لا اوروبي و لا حتي عربي.
ده مصري أصلي، أينعم محمد نجيب اصله سوداني، بس برده مصر و السودان بلد واحده.

المصري ده كان شغال عند راجل يهودي عنده مجموعة محلات كتير.
كان مستثمر و عنده اكبر محلات اقمشه في البلد.
كان الراجل اليهودي مصري و كسيب.
كان بيشتري القطن من واحد باشا في الغربيه يمتلك 20 الف فدان.
و الباشا كان مشغل عنده فلاحين و عمال و ملاحظين.
و كان الباشا بيزرع قطن و يبيع لليهودي يشغلهم في مصنع واحد مسيحي صديقه مشغل عنده ييجي 200 عامل.
بيصدروا لأنجلترا و السعوديه و الأردن و سوريا.

شويه و لقي الرئيس محمد نجيب تم تنحيته و جه مكانه جمال عبد الناصر.
قال تعالوا نجيب ارض الباشا و نوزعها علي الفلاحين.
و ناخد مصنع المسيحي و متاجر اليهودي و نأممها.
و عملوا حاجه اسمها اشتراكيه.

الراجل طار من الفرحه.
أخيرا مش هيشتغل عند اليهودي.
اخيرا هيمتلك شيء من المتجر.
أخيرا اليهودي مش هيقول له خد عيديتك و واحد مصري هيديهاله.

المصري مسك المصنع.
المصري طلع من الحكومه.
المصري عين ابن عمه، و كان ساقط ابتدائيه.
ابن عمه مكنش همه المتجر، لأنه كان عايزها وظيفه يشتغل فيها جمب الحزب.

المتجر بدأ ينهار.
محدش بقا بيشتري زي زمان.
ما هوا الفلاح امتلك الأرض، و بنى عليها بيت.
و باع أرضه عشان يعلم ولاده و يعلي البيت و يجوزهم.

الحاله بقت كحت.
و الجبنه الرومي إللي كان بياكلها زمان، بقي بيتفرج عليها.
و المربه إللي كان بياكلها دلوقتي بقا بيسمع عنها في الأخبار.
و البلد بتتنهب، و الناس بتعتقل و حصلت النجسه.

جمال عبد الناصر مات، و جه السادات.
قام السادات بالحرب، و عمل معاهدة سلام.

الراجل صاحبنا لسه في محله بيقاتل عشان ياكل عيش.
السادات قال هنعمل انفتاح، و نجيب سلع من بره.
الراجل فوجئ بحاجه جديده اسمها تي شيرت.
مجتش عنده في المحل.
الواد ابنه جاله في يوم قال له بص يابا انا جبت ايه.
و لقي الناس في الشارع كلها لابساها هيا و هدوم جديده كلها من بره.

الراجل قال هوا القطن بتاعنا راح فين.
هوا المصنع إللي كان شغال راح فين.
و السادات إزاي يفتحها كده علي البحري.
مش الثورة قامت عشان تحارب الجشع الرأسمالي.

مات السادات، و جه مكانه حسني مبارك.
و الوضع كان ماشي زي ما هوا.
فيه ناس بتغتني و بتتاجر و بتجيب توكيلات.
و الناس إللي تبع القطاع العام مفيش جديد.

الراجل شغل ابنه معاه في المتجر.
و فاتت الأيام، و الراجل طلع معاش.
و ابنه فضل ييجي عشرين سنه يفضل شغال و مفيش جديد.

و في يوم من الأيام، قررت الحكومه خصخصة المتجر.
و الواد صوت، راح لأبوه ألحق يابا.
هيخصخصوا المصنع و هيطردونا كمان.
أبوه قاله يابني متخافش، ده هيرجع زي زمان أيام الملك.

المستثمر أخد المتجر، و غير شكله.
و سرح شوية عمال، و جابلهم يونيفورم محترم.
المتجر مجابش همه خلال سنتين.
أرض المتجر كانت غاليه جدا، و المتجر مش بيكسب.
قرر المستثمر يبيع الأرض و يهد المتجر و يبنيها عمارات.

الواد قال لأبوه هوا أيه إللي بيحصل يابه.
قاله مفيش يابني.
غير اننا كطيع من البشر.
بيحكمنا بشر و بيغيروا النظم و القوانين.
و إللي شايفينوا ينفع بينفزوه علي الشعب.

الواد قال لأبوه و بعدين يابه، هوا الدستور مش لازم يحترم.
و مفيش ريس يغير علي إللي قبله.
قاله يابني الدستور ده مش قرآن.
ممكن أي حد يغيره.

قاله و مفيش حد هيحاسب الناس ديه يابه.
قاله ربنا موجود يابني هيحاسبهم علي إللي بيعملوه.

و هوا ربنا ليه ميوضحش للناس ديه أن إللي بيعملوه ده ميرضيهوش.
الراجل قاله يابني ما القرآن بيقول كده مينفعش.

نعم يابه؟ يعني القرآن بيقول مينفعش جمال عبد الناصر ياخد أرض الباشا و مصنع المسيحي و متجر اليهودي؟
يعني القرآن بيقول مينفعش نعمل انفتاح و احنا حالنا واقف من غير صناعه؟
يعني القرآن بيقول إزاي تخصخصوا و تهدروا حقوق العمال و الأرض بسعر بخس؟
قاله أيوه يابني أي بني آدم بيتقي ربنا، و يعرف دينه مكانش هيعمل كده.
و كان العلماء يقفوا امامه و يقولوا له انت غلط و بتخالف شرع ربنا.
حتى لو المصالح تدخلت و فيه ناس معاها القوه و مسيطره.
هيفضل فيه علماء بيقولوا كده حرام و مخالف لشرع ربنا.

طيب ما هوا العلماء بيقولوا يابه حرام و كده مينفعش.
قاله ما هوا الحكام بيقولوا ان ده مهواش قرآن و الدستور بيقول كده.

الواد اتعجب!!!!
إزاي يابه؟ احنا مش بلد إسلاميه؟
إحنا مش بنقول اننا مسلمين؟
مش ربنا هيحاسبنا علي إللي مكتوب في القرآن؟
إزاي مبنتحركش؟ إزاي منحكمش زي ما ربنا بيقول؟

الراجل أتعجب!!!
هوا صحيح محدش فينا فكر كده ليه؟
هوا احنا كل ما واحد يصحي الصبح و يغير النظام و يختار حاجه، إحنا مش بقف ادامه ليه؟
هوا ليه إحنا سايبين القرآن و شوية ناس يقولوا رأسماليه، إشتراكيه، انفتاح، رأسماليه مقننه؟

ما القرآن فيه حاجات تانيه احسن كتير.
و فيه نظام اقتصادي، و سياسي و اجتماعي.

و بعدين القرآن مش من وحي بشر، ده من وحي ربنا إللي خلق البشر.
يعني عارف كتالوج الحياه إللي تنفعهم.
بدل ما نصحى كل يوم الصبح و نلاقي واحد بيجرب فينا.
ما نجرب احسن إللي رب البشر عملوا لينا؟؟

الواد ساب ابوه و نزل الشارع.
لقي فيه إنتخابات.
راجل بيقول تعالوا انتخبوني، و هنعمل نظام رأسمالي.
راجل تاني بيقول انتخبوني، و هنعمل نظام اشتراكي يحافظ علي حقوقكم.
و راجل تاني بيقول، تعالوا انتخبوني و هنحكم بالقرآن!!!!!!

الواد بص كده.
و شاف يافطه مكتوب عليها الإسلام هو الحل و شاف يفط تانيه كتير.
الواد سأل نفسه، هوا احنا لسه محرمناش؟؟؟

هل يا تري، الواد ده هيفعل ما يحب، و ينتخب إللي شايف انه صح ينتخبه؟
وللا هيحب ما يفعله، و ينتخب إللي هيديله مصلحته في الدنيا و الآخره لربنا؟

انا زعلاااااااااااااااااان ........... :D

2010-09-24T08:06:00.000-07:00

ساعات بسأل نفسي يعني ايه انا زعلان.

يعني ايه انك من جواك تحس انك متضايق.

طيب لو انت زعلان من جواك، ليه تصرفاتك بتوضح كده.

ليه الناس إللي حواليك بتحس انك زعلان.

هوا المفروض افعالك تدل علي كده وللا لأ؟

هيا المفروض الناس إللي حواليك تحس بأنك زعلان وللا لأ؟

طيب لو الناس حست انك زعلان، ايه المفروض يعملوه.

المفروض انهم يطبطبوا عليك ويقولوا لك متزعلش؟

وللا المفروض يعرفوا الأول إذا كان عندك حق تزعل وللا لأ؟

و ساعتها يقرروا إذا كان يطبطبوا عليك وللا لأ؟

طيب لو كان الزعل ده من شخص معين، و عرف انك زعلان.

هل من واجبه كصديق أو قريب، ان يصالحك، ثم يوضحلك حقيقة الأمر؟

ام انه ينظر هل من حقي ازعل وللا لأ، ثم بعد ذلك يقرر ماذا يفعل؟

طيب لو كان معنديش حق ازعل، المفروض يحصل ايه؟

يصالحني و بعد كده يوضحلي؟

وللا يعلمني الصح ايه، و بعد كده انا اصالحه لأني زعلت منه غلط؟

دائما و ابدا لم اتسائل هذه التساؤلات.

لعدة اسباب، لأنه ليست لدي قناعة بأنني ازعل من حد.

و لأني دائما اعمل جاهدا اني مزعلش حد.

لأني دائما و ابدا احاول ألا أسيء إلى احد و احرص جدا علي مشاعر الآخرين.

فأتخيل ان الآخرين سيحرصون علي مشاعري كما حرصت عليهم.

و إذا اسأت إلي احد و قلت كلام قد يكون جارح لمن امامي.

احاول أن أاتأسف علي سوء الكلام، حتي و لو لم أخطيء.

فربما اصاب هذا الكلام شيء في من امامي، فيكون حقا علي تصحيحه.

فأحاول جاهدا ان ألوم نفسي و أن أصلح من علاقتي مع الآخرين.

فأنني لا أتمني شيء من هذه الدنيا إلا الكلمه الطيبه.

عسى ألا يوقفني احدا امام الله بسبب مظلمة، قلتها في حقه.

كم كنت اتمني ان يكون هذا شعور كل من حولي.

و لكن الحقيقه اننا لسنا جميعا مثل بعضنا البعض.

كل منا له اسلوب في حياته و طريقته في تقييمه للأمور.

فقد يقول لك شخص صديق لك منذ زمن كلام يصيب شيء بداخلك.

او يقول قريب عزيز لك ما يصادف انه يحزنك.

قد لا يكون يقصد مثل هذا الكلام علي الأطلاق.

و قد يكون العيب انك انت احسست بكلام في عكس موضعه.

و لكن ماذا علي هذا الصديق ان يفعل؟

ما واجب هذا القريب تجاهك؟

هل من واجبه تجاهلك؟

ام من واجبه مواساتك و إيضاح حقيقة الأمر؟

ام واجبه فقط إيضاح حقيقة الأمر بدون ان يتعاطف معك و لو للحظه؟

لقد اعتقدت لفطرة طويله، ان من واجبه مواساتك ثم إيضاح حقيقة الأمر.

لأنني احب ان افعل هذا مع من هو قريب بالنسبة لي.

للأسف الآن يجب ان اتوقف عن ارادتي بهذا كأسلوب للتعامل.

يجب ان اتقبل من صاحبي ما يختار من اسلوب.

إن كان اختياره ان يتجاهلني، فهذا لا يعني انه لا يحبني.

و لكن هذا يعني انه ليس لدي حق ان ازعل علي الأطلاق، و اصالح نفسي.

ثم تعود حياتنا طبيعيه لأننا اصدقاء و احباب.

إن كان إختياره ان يوضح حقيقة الأمر و فقط.

فسأتقبل كلامه و أتأسف لسوء فهمي له.

و إن كان يواسيني ثم يوضح حقيقة الأمر، فهذا لا يعني اخلاص هذا الشخص لي و تميزه.

إنما هو اسلوب طبيعي من الأساليب التي يختارها المرأ و مثله مثل أي شخص آخر.

في النهايه اقول نصيحه لكل من يقرأ مقالتي.

إذا زعل احد منك و انت لا تقصد.

فأولا، إذهب لتعتزر له بالرغم من عدم خطأك، ثم أوضح له حقيقة الأمر.

و لو كنت لا تريد مثل ذلك، فالتوضح له حقيقة الأمر دون ان تعتذر له.

و لكن ابتعد عن ان تفضحه امام الآخرين و تقول له انه مخطىء.

و دعه يحاول جاهدا ان يعدل من اسباب الزعل الخاطئ.

و إن اردت ان تتجاهله، فلا يجب ان تستمر صداقتكم.

و لكن اخيرا، يجب عليك ان تتذكر عظم ثواب ان تنام و ليس لديك غلاً لأحد

عسى ان تكون مع الصحابي الذي قال عنه النبي، يدخل عليكم الآن رجل من اهل الجنه.

إلي آخر الحديث، فكان سبب دخوله الجنه، انه لا ينام ابدا و في قلبه غلا من احد.

حقيقة انني اتسائل الآن من داخلي.

هل انني إذا فعلت هذا و تقبلت الأساليب الثلاثه من صديقي.

هل سأفعل ما احب؟

ام سأحب ما افعل؟

اريدك ان تنظر معي، لو كنت مكاني ماذا كنت لتفعل؟

و ماذا سيكون تقييمك لصديقك إذا اختار كل أسلوب من الثلاثه؟

لأنني حقا احتاج نصيحتك.

إصابة ملاعب !!!

2010-06-22T06:10:00.000-07:00

بحب الرياضه جدا.
بحب اجري في الشارع لو مليت من أي مسافه امشيها.
لو مخنوق و عايز افك عن نفسي بحب اجري.
و بحب الكوره في الرياضه بالذات.

الكورة لعبه جماعيه.
لعبة تستخدم فيها كل امكانياتك.
بدنيه، مهاريه، خلقيه، و اجتماعيه كمان.

و لكن لأنها مهارة جماعية فبسبب النفوس المختلفه تتكون في بعض الأحيان العداوات.
عداوة بسبب سوء خلق البعض.
بسبب حب المكسب و كراهية الخسارة للبعض الآخر.
أو أي اسباب تشعل الكراهيه في نفوس المتنافسين.

و لطالما منذ الصغر و انا ابتعد عن اي مشاحنات او عداوات.
فكان هذا سبب في سلامتي و عافيتي من إصابات الكره.
فأحمد الله كثيرا علي ذلك.

و لكن لا يسلم المرأ من الإصابات.
فلكل رياضه و مهاره مساؤها.

فالذي يقفز بالمظلات من علي ارتفاع 1000 قدم يعتبرها مسليه.
لأنه يأخذ معه المظله الأساسية، و كذلك الإحتياطي.
و يأخذ القسط الكافي من التدريب قبل محاولة القفز.
و لكن هذا لا يمنع ان قليل من الإرهاق اثناء هبوطه قد يتسبب في اختلال تركيزه و ارتطامه بالأرض بعنف.

كذلك في الكره و أي رياضه اخري.
فضريبة المهارات، انك تقوم بعمل حركات خطره و غير متوقعه بالنسبه للآخرين.
هذه الحركات بالرغم من بساطتها و لكن قد تتسبب في إصابات شديده.

و هذا ما حدث لي.

مباراه مع الأصدقاء في منتهي الود و البساطه.
يستعرض كل واحد منا مهاراته لأنه علي يقين ان الآخرين لن يقوموا بالإحتكاك العنيف معه.
و مع كل حركه تكون هناك الخطوره المصاحبه لها.

كنت اجري بسرعة انا و منافسي علي الكره.
و بحكم خفة وزني ، كانت زيادة سرعتي.
قررت ان اقوم بحركة عكسية 180 درجه.
بحيث ان اجعله يكمل جريه للأمام، بينما انا اتراجع مباشرة للخلف.

بنسميها في لغة الشارع، اخليه يروج يجيب فول.

و لكن ليس كل ما يتمناه المرأ يناله.
سبقتني الكره بسنتيمترات، فتسببت في فشل الحركة بالكامل.
و زحفي إلي إتجاهها، و إنحناء رجلي الثابتة تحتي مما تسبب في كسر عظمة الفابيولا في تجويفها مع التابيولا.

فبدل صاحبي ما يجيب فول.
انا جيبت الفابيولا.

في البدايه وقعت علي الأرض و احسست بالألم.
و لكن كان اكثر تركيزي هل هذا كسر ام مجرد تمزق في الأربطه.
فطوال عمري لم اصاب بكسر ابدا.

حاول بعض الأصدقاء لمس رجلي و لكن الألم كان حقا شديدا.
و قفت علي الرجل الأخري و حاولت ان اقف علي اليسري المصابه.
للأسف لم استطع ان المس الأرض بها.

ادركت ان هناك شيئا ليس ببسيط.

حملني الأصدقاء و ذهبت إلي اقرب مستشفي و هي رابعه.
و بعد ان دخلت لدكتور العظام هناك.
و بعد الكشف علي، احسست من وجهه بالخوف.

بعد ظهور الآشعة وجدته كسرا.
فقررت الذهاب إلي مستشفي آخر.
ذهبت إلي دار الحكمه و هي مكان اكثر من رائع في عباس العقاد.
فقال لي نائب العظام، عندك كسر و يستلزم هذا جراحه و شريحه بمسامير.

أول مره اسمع عن الشريحة و المسامير كان في حادثه لراقصه تسمي شريهان.
و منذ ذلك الحين اعرف انه بعد الحوادث الكبيره و التهتك القوي يتم إجراء هذه الجراحات.

و لكن عندما قال لي الدكتور الخبر.
تخوفت ان يكون الأمر مجرد بيزنيس.
يختلقه البعض ليتكسب منه.

جبست رجلي و ذهبت إلي مستشفي اخري و هي النزهة الدولي، و ياليتني ما ذهبت.
قابلني نائب العظام هناك اقل ما يوصف عنه هو السماجه.
المهم اقر الموقف الطبي و قمت في اليوم التالي بإجراء الجراحه.

و الحمد لله ركبت شريحة و اربع مسامير لعلاج العظمه المكسوره.
و مسمارين آخرين لتثبيتها في العظمات الأخري لنمو الأربطه.
زائد حاجه بتاعة 24 دبوس عشان الجرح.
ادركت معني كلمة الشريحة ديه دلوقتي وقتها.

طبعا عشان الناس إللي بتستظرف ديه شريحة جديده.
مش بتبعت ولا بتستقبل.
و مهياش فودافون و لا اتصالات.

احمد الله علي كل حال.

العجيب انني لم يتملكني شيء سوي الضحك.
هل من المعقول ان حركه بسيطه تسبب كل هذه النتيجه.

بالتأكيد سأفتقد كثيرا الأصدقاء في العمل و المنطقة الذين كنت القاهم.
و اكثر ما سأفتقده حقا.
هي الصلاة في مسجدي و بخاصة يوم الجمعه.

اعتقد انني سأشتاق إليها حقا.
خاصتا انه علي ان ابقي رجلي في وضع افقي لمدة شهر.
إلي ان اقوم بعمل جراحة اخري لنزع مسامير التثبيت.

اتمني العودة إلي الحياة الطبيعبة مره اخري.
و اتمني ان اراكم علي خير جميعا مرات اخري عديده.

اشكر كل من اتصل ليطمأن علي.
فحقا لقد ادخلتم السرور علي.

لا انصحكم بالتوقف عن ممارسة الرياضه.
و بأخذ حرص اكثر من اللازم اثناء مزاولة الرياضه.
و لكن انصحكم بشيء واحد.

انصحكم بالإبتعاد عن مستشفي النزهة الدولي.
لقد احسست فيها بكل مشاعر اساتذة عين شمس.
حقا لقد كان اسمها سم شنيع، و قلبوا اسمها لتكون عين شمس.

صورة الكسور و الآشعه موجوده لأصدقائي الأطباء المحترمين.
و فيما قريب سأكت لكم لماذا لا تذهبوا لمستشفي النزهة.
فهي حقا نزهة لا تستحق التجربه.

إن لم تكن لك خطه ..........

2010-05-29T05:37:00.000-07:00

إن لم تكن لك خطة.........

يولد الواحد منا بدون إرادته.
يعيش مع اهله و ابويه دون اختيارهم.
يذهب إلي المدرسه و يتعلم الإبتدائيه دون اختيار منه.
و في بعض الأحيان إلي الثانويه دون إراده له.

ثم تأتي لحظة اختيارك.
هل ستكمل الطريق ام تتوقف.
أي جامعه و كليه ستلتحق.
أي مهنه تريد ان تعمل بها.
و ما هي طاقاتك و إمكاناتك التي ستستغلها لتكون انت الأفضل.

المصيبة تحدث عندما يسيرك الآخرين وفقا لخططهم
عندما تكتب رغباتك في مكتب التنسيق وفق رغبات اهلك او آخرين.
عندما تتأخر ملكاتك و إبداعاتك لقبولك خطط الآخرين.

المصيبة الأكبر عندما يحدث هذا في عملك.
عندما تكون لديك احلام و آمال لأشياء عظيمه.
و يتحكم في احلامك آخرين تكن لهم الأحترام و فقط.

هل ستتوقف عن الحلم لعدم وجود مؤيدين لك فيه.
هل ستيأس و تتوقف عن المحاوله.
أم انك ستجتهد لتحقق احلامك و طموحاتك.

إن لم تكن لك خطة صرت احد مخططات الآخرين.

في الشركات و المجتمعات و حتي في العائلات.
إن لم تكن لك خطة سيتحكم بك الآخرين.

كمثال و انت صغير و يريد اهلك ان يذهبوا للمصيف في يوم ما.
يوقظوك من النوم، و يحضروا حقيبتك و يذهبوا بك.

هل قلت لهم لدي شيء افعله؟
لدي خطه اريد ان احقق فيها احد الأهداف اليوم؟

ليس لديك أي هدف.

هكذا الحال دوما لمن ليس لديه هدف.

كحديث رسول الله-صلي الله علي وسلم – قال
"لا يكن أحدكم إمعة ، يقول أنا مع الناس إن أحسن الناس أحسنت ، وإن أساءوا أسأت ، ولكن وطنوا أنفسكم إن أحسن الناس أن تحسنوا ، وإن أساءوا أن تجتنبوا إساءتهم"

فهو مثال لكل من يلغي عقله و يتركه للآخرين.

اكتشف مواهبك.
دافع عن قدراتك.
طور من إمكانياتك.
و لا تقف امام مخططات الآخرين.

هل ستفعل ما تحب و تجتهد لتحقق هدفك؟
أم ستحب ما تفعل و ترضخ للواقع؟

سأبدأ من جديد

2010-04-23T11:05:00.001-07:00

لا اعلم لماذا اتوقف عن الكتابه؟
هل لأني لا اجد الوقت لكي افرغ محتوي رأسي في الكتابه؟
ام انني لا اتوقها؟

السبب الذى اراه حقيقيا وراء عدم قدرتي علي الكتابه هو وجود شيء آخر اجمل في حياتي يشغلني عن الكتابه.

عندما تعيش حلم جميل لا تريد الإستيقاظ منه.
عندما تكون في مكان خلاب تتمني عدم الخروج منه.
عندما تشاهد فيلما تتمني ان تكون انت بطل هذا الفيلم.
عندما تأكل شيئا تشتهيه و تتمني الا تنتهي منه أو تشعر بالإمتلاء عنه.

عندما تكون انت بطل هذه اللحظات الجميله، تتمني الا تنتهي و تدوم.

و لكن هذه المتعه هي سراب، و شهوات تعيشها.
هي احلام لا ينبني عليها عمل تحس بنتاجها.
خيالات تستيقظ منها فتعلم مدي سحرها.

هذا هو سبب انقطاعي عن الكتابه هذه الفتره.

هذا السبب هو جمال الحلم الذي اعيشه.
هو لحظات المتعة و الخيال التي انسجها في الحاضر و المستقبل.
هو الحياه التي يتمناها أي شخص، و لكن بدون عمل.

وجدت نفسي في احلي لحظات سعادتي.
ووجدت ان حلمي اتمني تحقيقه و ان اعيشه مع من رسمته معه.
و لكن وجدت انني احلم فقط، و النتيجة لا شيء.

انسى ان هذه الدنيا فانيه، و اننا جميعا ذاهبون إلي الآخره.
انسى ان علي واجب تجاه نفسي و اقرب الناس لي.
انسى واجباتي تجاه اهلي و بلدي.
انسى ترتيب الأولويات في حياتي.

يجب ان اتحرك بنفسي نحو اهدافي الساميه التي ارسمها.
نحو تحقيق الصورة و الحلم الذي اتمناه.

سأبدأ من جديد،
سأبدأ بالتحرك من اجل ما تمنيته.
سأرجع للكتابه بصوره منتظمه.
سأسعى نحو هدفي و سأساعد الآخرين لتلبية اهدافهم.

سيكون هناك من يعطلوني فلن اقف بجانبهم.
سيكون هناك من يثبتوني فسأشكرهم.
و سيكون من يمشون معي فسأخلص لهم.

سأعيش من اجل آخرتي.
سأعمل في دنياي من اجل ان ادخل الجنه مع من احب.

فهل سأفعل ما أحب، اعمل بجد من اجل الحلم الذي اتمناه مع اقرب الناس لي؟
ام سأحب ما أفعل، و اكتفي بالمشاعر المخلصه و الحلم الرائع دون عمل؟

اتسائل داخل نفسي و اتسائل معك ايها القارئ، أي الناس انت؟

تبات و نبات

2010-01-29T16:53:00.000-08:00

تبات و نبات

حد سمع الأغنيه ديه.
اسمها تبات و نبات.
بينشدها واحد اسمه محمود العسيلي و بنت كده.

بغض النظر عن رأيي في الأغاني من الحل و الحرمه.
و لكني اريد ان اتوقف علي كلمات من أبياتها.

عندما قال كاتبها، انتي اجمل إنسانه شفتها.

تسائلت بداخلي، كيف يمكن ان يصدق شاعر بهذه الكلمات.
كيف يمكن ان يحس المرأ بهذا الإحساس و الشعور.
هل رأى غيرها لكي يقول مثل هذه الكلمات، فعرف مدي فضلها؟

لا يمكن ان يكون هناك افضل مطلق.
و لكن من الممكن ان يكون لك انت احساس الأفضل المطلق.

تحس هذا الشعور عندما يملى عليك شخص كل ما بداخلك من مشاعر.
عندما تحس انك مهما فعلت من اجل من هو امامك فلن تستطيع ان توفيه حقه.
عندما لا تبخل بحياتك و اجتهادك من اجل فقط ابتسامه تراها علي وجه من معك.

إذا احسست ان ابتسامته تريحك من متاعب الحياه.
إذا كانت سبب في انطلاقك نحو الأفضل.
إذا كانت سبب في اجتهادك من اجله.

ستحس الآن معني كلمة، انت اجمل انسانه شفتها.

ستستمتع بكل لحظه تراه امامك.
ستستمتع بكل ثانيه تعيشها بجانبه.
ستستمتع بكل نقطة عرق تبذلها من اجله.

يقول صلي الله عليه و سلم: الدنيا متاع، و خير متاعها الزوجة الصالحه.

استمتع بالزوجة الصالحه.
استمتع بمن تساعدك نحو ما هو افضل لك.
استمتع برؤية ابتسامتها و رؤيتها كل لحظه.

استمتع بها في دنيتك، و اعمل معها لتكن معك في آخرتك.

اسوق إليك صديقي سؤالي بعد فراق توقفت فيه عن الكتابه.
هل ستفعل ما تحب و تستمتع بلحظاتك مع اجمل انسانه و تجتهد من اجلها؟
ام ستقاوم مشاعرك الحقيقيه و تتجه لآلام الواقع المرير و تعيش حياه صامته و طبيعيه؟

الحب في الله

2009-09-05T06:36:00.000-07:00

قال رسول الله صلي الله عليه و سلم:
اوثق عري الإيمان الحب في الله و البغض في الله.

ماذا لو ان هناك شخص ما احسست انك تحبه.
و من حبك لهذا الشخص اصبحت تحب سعادته.
و إن كانت سعادته مرتبطه بحبك لعملك و إتقانك فيه.
و إن كانت سعادته مرتبطه ببرك لوالديك و لصلة رحمك.
و إن كانت سعادته مرتبطه بإخلاصك في عبادتك و اجتهادك في الطاعات.

ان يكون هذا الحب هو دافع لحب كل شيء في حياتك، هذا ما اسميه عدوي الحب.

فأنت احببت الدنيا و ما رزقك الله لك بحبك لهذا الشخص.
فأصبح حبك لهذا الشخص هو اوثق عري الإيمان.
لأنك تحبه في الله، و ترجو مرضاة الله.
و تريد ان تكن معه في الدنيا و الآخره.

و لكن ستظل هناك دوما المعضله الدائمه و هي التعبير عن مشاعر الحب.
و لذلك ذهب رجل إلي الرسول يشكي إليه هذا الوضع.
فقال الرسول صلي الله عليه و سلم، اخبره انك تحبه في الله.

قد يكون من السهل قول الكلمه.
و لكن من الصعب تحقيق ما تعنيه الكلمه.
فهل يهتم المرأ بالكلمه بقدر ما يهمه تحقيق معناها؟

تحقيق معناها صعب علي النفس.
لأنه يحتاج دأب و اجتهاد.
و لكن علي الأقل، يجب عليك قول هذه الكلمه.

قد يحول بينك و بين قولها حائل، كالكبر او الأخلاق و قد يكون الشرع.
و لكن في هذه الحاله، إذا حيل بينك و بين قولها حائل.
يجب عليك ان تجتهد لتحقيق معناها.

فلا يمكن الا تقول كلمة احبك في الله، و ايضا لا تحقق معناها ثم تقول عن هذا حب.

و لهذا اقول لنفسي و لكل صديق يقرأ هذه المقاله.
قد اعجز عن قول كلمة احبكم في الله امامكم.
و لكني أسأل الله ان يكون حالي معكم يدل علي حبي لكم.

و كم اسأل الله ان تكون عدوي الحب منتشرة عندكم انتم ايضا.
فتحبوا الله و ما خلقه لكم.
و يكون هذا دافعا نحو حياة افضل في ظل معنى الحب في الله.

هل وجدها الدياسطي ?!!

2009-08-29T15:18:00.001-07:00

هل قرأت مقالة ماذا يعني الحب؟
هل نظرت فيمن هم حولك و لم تنتظر المعجزه؟
و ماذا لو كان فيمن هم حولك شخص لم تكن تراه، و عندما رأيته وجدته افضل مما تمنيته؟

سمع الدياسطي عن فتاه بها الكثير من فتاة احلامه.
سأل عنها و استرعت اهتمامه مدة طويله.
و كان من اصدقائه المقربين العم دسوقي ينصحه بخبراته طوال الطريق.

ولكن الدياسطي لم يتوقف عند نصائح العم دسوقي.
سأل عن بسنت كل الكفر، حتى رفاعي و الأستاذ غباشي.
الغريب عندما قال الجميع عنها نفس ما قاله عم دسوقي او ما يزيد.

ذهب إليها ليتعرف عليها.
لم يمض سوي لقائين إلا و أحس دياسطي ان هناك مشاعر عجيبه تنتابه.
و في اللقاء الثالث، لم يتمالك الدياسطي نفسه لمقابلة فتاة احلامه الجديده.
و إذا به يأتي لها ببقرة غاية في الجمال، فلقد علم الدياسطي حب فتاته للبقر و لحيوانات القرية المختلفه.
فأصبح ضمن اهتماماته الآن كيف يحقق لها امنيتها و إتمام الحظيره لها.

أختلف الدياسطي في رؤيته للحياه.
فأصبح هدفه اكثر وضوحا، و مشاعره تتجه نحو فتاته.
فتاته التي طالما حلم بها و تمناها.

انها بسنت.
فتاه طموحه، مهذبه، و ذات عقل سديد.
تتكلم مثله، و تفكر مثله، و تمرح مثله.

لدى بسنت و دياسطي الكثير من نقاط الأتفاق.
و لم يعلم كل واحد منهم حتي الآن ما هي نقاط الإختلاف.
قد يحدث اختلاف في بعض النقاط فيما بعد.
و لكن مشاعر الدياسطي ناحية بسنت ستجعله يتنازل احيانا.
و قد تتنازل بسنت هي الأخري احيانا.
و لكن هذا كله يصب في نجاح علاقة بسنت و دياسطي الأبديه.

ما يعاني منه الدياسطي هو مدي اقترابه من بسنت.
هل يترك لمشاعره العنان لتتحرك ناحية بسنت، وتبدأ رؤى العقل تقل مع الوقت.
أم يجعل عقله هو المحرك لعاطفته يوقفها احيانا و يتركها احيانا اخري.

هل يفعل ما يحب و يترك لمشاعره العنان و يوقفها علي حسب الشرع و العرف و الآخلاق؟
ام يحب ما يفعله و يجعل عقله هو المحرك لمشاعره؟

اسوق إليك صديقي تساؤلات الدياسطي فماذا تعتقد لو انك مكانه لكنت فاعل؟

اختار سعادتك

2009-04-11T14:02:00.000-07:00

يتعلم المرأ في هذه الحياه من تجاربه الشخصيه و من تجارب الآخرين.
نتعلم من اهلنا ،اصدقائنا ،من القصص و الأخبار.
و يقال في الأثر؛ السعيد من اتعظ بغيره و الشقي من كان عظة للآخرين.

و لكن هل هناك فارق بين المعرفه و التطبيق؟
ينصحك الكبار بخبراتهم في الحياه و تجاربهم الشخصيه و يقارنوا بين ما كسبوه و ما ضيعوه.
و كل منهم ينصحك بتجربته هو و يعتبر الآخر مخطأ.

و لكنك إذا نظرت إلي الحقيقه النهائيه ستري صاحب التجربه الصحيحه هو صاحب السعاده.
ليست العبره بالأختيار الصحيح، فليست هناك صحه مطلقه، و لكن هناك سعاده.

لو حصلت علي بعض المال و حاولت مثلا شراء سياره.
سيكون غاية تفكيرك هو شراء سياره لتتحرك بها في أي مكان تريده ولا يوقفك شيء.
و لكن ماذا لو اعطيتك مالاً اكثر قليلا.
سيكون من ضمن اختياراتك ان تكون السياره افضل من حيث الشكل و الراحه.
و لو زدت في المال.
ستكون سعادتك في شراء العربه الفارهه التي هي صورتك امام اقرانك و الأكثر رفاهية من دون العربات.

إذا ما نظرت إلي ما حدث ستجد ان سعادتك هي التي تسيطر عليك.
شعورك الداخلي بالنجاح هو المسيطر علي تفكيرك.
ليست حاجتك فقط هي الأختيار الصحيحه.
و لكن سعادتك انت فقط هي الأختيار الصحيح.

مهما نصحك اقرب الأقربون.
مهما حاولوا اقناعك بتجاربهم و خبراتهم.
سيبقي ان تختار ،أي هذه التجارب ستحقق سعادتك.

انظر إلي داخلك انت.
ماذا تريده و ما هو المعروض امامك.
و انظر إلي الآخرين و تمعن في آرائهم.

لا تدرس ما ينصحوك به.
لا تختار ما يرونه الأفضل.
لا تعيش الحياه كما يرونها و عاشوها هم.

و لكن انطلق نحو سعادتك انت.
انطلق نحو اختياراتك السعيده.
انطلق صوب حياتك و احلامك التي ترسمها و تتخيلها.

عيش احلي ما في اللحظه بكل معاينيها.
فالتنعم بحياتك التي رزقك الله بها.
فالتحب اختياراتك ما دمت انت قد اخترتها.

السؤال الطبيعي؛
هل ستفعل ما تحب و تختار ما يحقق لك السعاده؟
ام ستحب ما تفعله و يحركك الآخرين بنصيحتهم؟

اختار سعادتك و لا تنتظر من الآخرين اختيارها لك.

انتهى الدرس يا ....

2009-03-31T14:53:00.000-07:00

انتهى الدرس
حان وقت غلق الكشاكيل.
حان وقت المرواح.

انطلق في حياتك و لتعمل بما تعلمته.
لا تكون كالتعيس الذي اصبح عبرة للآخرين.
و لكن كن كالسعيد الذي اتعظ من غيره.

تعلم من اصحاب السعاده الحقيقيه كيف حصلوا عليها.
تعلم من اصحاب النجاحات الحقيقيه كيف استطاعوا تحقيقها.
و تعلم من الذين شقوا في حياتهم ماذا كانت اسباب شقائهم.

لا تقف علي ماضي و تبكي عليه.
انظر إلي المستقبل و ما رزقك الله به.

السعاده لن تحصل عليه بوجود شخص او زمان او مكان.
و لكن ستحصل عليه برضا الله عنك و يقينك به.
اترك كل ما هو زائل و تمسك بمن لا يزول.

ابدأ حياتك من جديد.
انظر للمستقبل ما دام قد انتهى الماضي.
عش يومك بكل لحظات السعادة فيه.
إن جنتك في قلبك.

انتهي الدرس يا فتي.
لا تحب ما تفعله.
و لكن افعل ما تحبه.
ضع هدفك و خطط لحياتك و لا تكن داخل مخططات الآخرين.

انتهي شهر مارس و لم اكتب شيئا في يوم الام.
و لكن كان القدر ان اكتب شيئا في يوم اليتيم.
اسال الله ان يسعد قلب كل يتيم و يهون عليه كربه.

"القلوب بين اصباعين من اصابع الرحمن يقلبهم كيف يشاء" او كما قال صلي الله عليه و سلم.

بسنت و دياسطي

2009-02-14T22:44:00.000-08:00

الدياسطي شاب حبيب.
رومانسي و عاطفي جدا.
حب بسنت حب شديد، و تمناها زوجة له طوال العمر.
و بالفعل تزوجها.

و في يوم من الأيام انتهي دياسطي من عمله، و طبيعي انه يرجع بيته.
بس دياسطي بيحب بسنت قوي.
اول ما بيصدق ان شغله يخلص، بيروح بيته علي طول عشان يرجع لمعشوقته بسنت.

طلع يجري علي العربيه و ساقها في منتهي السرعه.
بعت لبسنت ماسيدج بيقول لها انا ممكن اتأخر شويه في العمل؛ عشان يفاجئها.
راح علي محل الورد، و اشتري بوكيه مليء بالورد الأحمر.
اتحرك علي البيت و لما وصل تحت البيت طلع زجاجة البرفان ووضع الرائحه التي تحبها بسنت.

خبط دياسطي علي الجرس.
و فتحت بسنت.........

نظر إلي بسنت معشوقته، إلي الأعين التي احبها.
نظر إلي الأنسانه التي اختارها من بين الآلاف من النساء.
هذه هي التي تحرك قلبه و كل وجدانه من اجلها.
هذه هي الإنسانه الوحيده التي ضحي و سيظل يضحي من اجلها.

فنظرت إليه بسنت و قد تفاجأت من وجود دياسطي امامها و معه بوكيه الورد.
و قالت؛
انت جيت يا منيل.
تعالى شوف عيالك و لمهم.
انا هلاقيها منك وللا من عيالك.
و ايه الريحه ديه كمان.
وأيه الورد ده كمان.
ده بدل ما تخش عليا بغسالة اطباق بدل غسيل الصحون علي ايديا.

في هذه اللحظه العجيبه احس دياسطي انه يوجد شيء خطأ.
فكر دياسطي بقوه في اختياره لشريكة حياته و عمره بسنت.
هل اختارها خطأ؟
هل ضاع الحب و الرومانسيه التي كان يحلم بها مع شريكة عمره؟

إنما ضاع الحب و العشق و الرومانسيه عندما ماتت الزرعه.
عندما مات الحب و إظهار العشق و سقاية الزرعه.
عندما اصبح الحب كلمه تقال.
و اصبحت العاطفه بوكيه ورد أو هدية تعطي.

كان عيد الحب يوم السبت.
أيده البعض و رفضه البعض.
و لكن فالنسأل انفسنا لماذا يخبئ البعض مشاعره الحقيقيه تجاه الآخرين.
هل انشغلنا في الحياه و نسينا اقرب الناس لنا.
ام اننا لا نعرف و لم نتربي علي معاني الحب.

سؤالي الطبيعي هل ستفعل ما تحب و تعطي كل مشاعرك و لن تبخل بها لمن تحبه؟
ام ستحب ما تفعله و ستكتفي بأن تكون حياتك طبيعيه و الحب ما هو إلا هديه؟

اسوق إليك صديقي هذه الأسئله، و لكن يبقي ان تعلم رأيي في عيد الحب.
انا لا احتفل بأي اعياد سوي العيدين الإسلاميين.
و لكني لا امانع الأحتفال بالأيام التي تدخل السرور في العام؛ كيوم الأم و اليتيم و هكذا.

ماذا يعني الحب؟؟؟

2009-01-25T16:04:00.000-08:00

قبل ان تقرأ مقالتي، هل انت مقتنع انك ستحصل علي إجابه شافيه لهذا السؤال؟
ام انك تنوي معرفة رأيي فحسب؟
أم انك تريد مساعدتي في معرفة إجابه شافيه؟
اتمني ان تكون الشخص الثالث!!

الحب أصله في لغة العرب الصفاء لأن العرب تقول لصفاء الأسنان حبب
وقيل مأخوذ من الحـُباب الذي يعلوا المطر الشديد
وعليه عرفوا المحبة بأنها : غليان القلب عند الاحتياج للقاء المحبوب

هذا هو التعريف اللغوي للحب.
و لكن ما هو التعريف الإسطلاحي للحب من وجهة نظري؟
هو شعور داخلي تجاه شخص او شيء يجعلك تصفو من داخلك إليه و يتجه قلبك و مشاعرك نحوه.

لماذا احب.
انظر بداخلي كثيرا هذه الأيام و اقول لنفسي لماذا احب شخص بعينه.
هل احبه لأنه قدم لي شيئا خاصا؟
ام احبه لأنني اتضررت إلي حبه؟
ام احبه من اجل مستقبل و احلام اصنعها معه؟

كمثال المعلم و الصديق.
احبهم لأنهم اعطوني الكثير دون مقابل.
نصحوني و لم يطلبوا نصيحتي.
ساعدوني دون طلب لمساعدتي.
فيدخل داخل هذا الأمر الحب في الله و الحب العفيف بكل اشكاله.

مثال آخر هو الأهل و الزملاء.
انا لم اختار اهلي، و كثير من زمالاتي.
بل فرضتها علي الظروف و جعلتني إما ان احبهم أو ان اعيش في شقاء كراهيتهم.
و لكن تتحول هذه المحبه إلي محبه خاصه عندما اجد منهم من يفعل لي اشياء دون مقابل.
فيدخل تحت هذا الأمر بر الوالدين و صلة الرحم و الأقارب.

أما إجابة السؤال الأخير فهي لا تكون إلا للزوجه.
فهي العلاقه الوحيده التي تختارها بمحض إرادتك.
هي تلك الأحلام و التخيلات التي ترسمها لمحبوبتك.
هي تلك المشاعر التي تفيض لها فقط و لا تستطيع ان تعطيها لغيرها.

ماذا يعني فتي/فتاة الأحلام؟
هو الشخص الذي تتحقق معه كل احلامك و طموحاتك.
هو الشخص الذي تريد ان تستيقظ كل يوم و تجده بجانبك لتنظر إلي عينيه ولا تريد شيئا في هذا اليوم سوي رضاه.
هو الشخص الذي يتكشف طاقاتك و إبداعاتك و يدفعك لتحقيقها.
هو الشخص الذي لا يريد شيئا في هذه الحياه سوي رضاك و ابتسامة علي شفتيك.

و لهذا نجد الآتي.
يبحث كل واحد منا عن الفتي او الفتاه الوسيمه لكي تستيقظ صباحا و تنظر إليها و تقول ما اجملها.
نبحث عن الشخص الذي يساعدنا علي النجاح و التفوق فيجب ان يكون علي قدر كبير من التعليم و الخبره في الحياه او علي الأقل لديه استطاعة التعلم و القدره علي التغيير.
و نبحث عن الشخص ذو الأخلاق الكريمه التي تجعله يبحث دوما عن رضاك و يتخلص من الصفات السيئه التي تعكر صفو حياتك.

و لكن، ليس كل ما يتمناه المرأ يناله.
سأتكلم بالعاميه الآن و سأتكلم كرجل.

مش كل البنات جميله، و عليك انك تستحمل المنظر إللي هتختاره كل يوم الصبح، و لو معجبكش المنظر حاول تقتنع انه حلو و مشي حياتك.
و مش كل البنات هتدفعك للأمام و عندهم خبره، يبقا لازم تستحمل الأكل البايظ و مفيهاش حاجه لو مسحت وغسلت و كمان علمت عيالك و ربيتهم، و بالطبع تحاول تنجح في شغلك عشان تاكل المم و تعيش زي الناس ما هيا عايشه.
اما عن الأخلاق فمفيش مشكله ان مراتك بترمي الجزمه عليك لما بتتنرفز او بتقطع في هدومها، و بعدين مين قال ان مراتك لما بتشتري شوية حاجات بضعف مرتبك ده تبذير، و غريبه انك تقول ان مراتك عايزه تسحبك في ديلها و تعملها إللي هيا عايزاه و بتعند معاك، و الأغرب مقولتك بأن المودام محرجه عليك اصحابك و اهلك انهم يخشوا بيتها و انها بتحاول تسيطر عليك.

عيش يا عم حياتك و سيبك من الكلام ده كله.
حب حياتك زي ما انت لقيتها و متفضلش مستني الوهم إللي مش هتلاقيه.
اقتنع بالقليل و علي رأي المثل، من رضي بقليله فات.
حب حياتك و متبصش كتير علي انك تلاقي إللي تحبه.

فالتحب ما تفعله و اختر من المتواجدين امامك و لا تنتظر المجهول.
او انتظر لتجد من تحبه و تعيش معه احلي لحظات في حياتك، و لكنك لن تجد هذا الشخص بسهوله ابدا.

و الآن بعد هذه المقاله العريضه، هل ستحب ما تفعله و ستختار أي شخص؟
ام انك ستفعل ما تحب و تنتظر اليوم الذي تجد فيه من يستحق حبك؟
اسوق إليك صديقي هذا السؤال فهل لديك إجابه تساعدني علي فهم معني الحب؟؟؟؟؟؟

يوم انهارت مصر

2009-01-08T14:25:00.000-08:00

هل من الممكن ان نتخيل انهيار وطن عاش وبقي آلاف السنين؟
هل من الممكن ان ينهار وطن تصدي للظلم في جميع عصوره و صوره؟
هل من الممكن ان ينهار وطن وقف كحائط صد ضد القوي الغاشمه علي مر السنين؟

هل من الممكن تخيل وقوف وطن امام الهكسوس منذ آلاف السنوات، ثم اتبعهم الرومان و اليونان، ثم اتبعهم التتار، ثم الصليبيين، ثم الفرنسيين، و اخيرا الإنجليز.
و انهارت هذه الإمبراطوريات علي سواعد المصريين.

ثم بعد مرور هذه السنوات و هذه الحروب علي مر العصور.
يأتي ليقول لنا احد قاداتنا ان مقاومة المحتل إرهابا.
و ان علي المقاومين ان يتوقفوا عن المقاومه.
و علي المقاومين قبول الهدنه و التسويه.

انهار هذا الوطن مصر عندما وقفت ضد المقاومه و تعاونت مع المحتل.
عندما قام المحتل بتوعد المقاومه من علي الأرض المصريه.
عندما اغلقت المعابر امام المقاومه و صدرت الغاز إلي المحتل.
عندما اعتقلت ابنائها و اودعتهم السجون و منعتهم من حرية التعبير ضد المحتل.

في هذه اللحظه تذكرت كلمة مصطفي كامل "لو لم اكن مصريا لوددت ان اكون مصريا".
و تساءلت هل لو كان مصطفي كامل حيا بيننا لقال مثلما قال؟
هل سيعجب بما يفعله ابناء شعبه بأشقاءه؟
هل لو كان حيا بيننا احمد عرابي و قال "لقد ولدتنا امهاتنا احرارا" لصفق له وزير الثقافه و الداخليه و وقف بجانبه.
ام سيودعه السجون و يقول عنه وزير الثقافه جاهل؟

إن ما تعلمناه في الكتب من حب الوطن و الإنتماء له، بدأ في الزوال.
بدأ في الزوال عندما حكمنا اناس تم اختيارهم بالتزوير و التدليس.
بدأ في الزوال عندما وسد الأمر لغير اهله.
بدأ في الزوال عندما وجدنا من يتكلم علي لساننا و لا يعبر عن حالنا.
بدأ في الزوال عندما وجدنا ابناء جلدتنا يعزبوننا.

اتسائل من داخلي، هل يعجب أولي الأمر في بلدنا بما يحدث؟
هل يحبوا ما يفعلوا من تجويع للشعب الفلسطيني و حصاره؟
ام هم يفعلوا ما يحبوا و هذه هي رغبتهم؟

تذكرت كلمه قالها احد من قبل.
النظم العربيه اصبحت كالمرأة البغي.
هي لا تهاب شيئا يقال عنها لأنها خسرت اثمن شيء.
ألا و هو الشرف.

لم اكن اريد ان اتكلم في السياسه في هذه المدونه و لكن الوضع اصبح مأسوي.
اليوم الرابع عشر للعدوان الإسرائيلي على غزه مما اسفر عن سقوط اكثر من 750 شهيد و 3200 جريح.
و لا يسعني ان اقول شيء سوي حسبنا الله و نعم الوكيل.

يوم الكرامه

2009-01-04T13:47:00.000-08:00

طبعا أي حد هيسأل ايه هوا يوم الكرامه ده بالنسبه ليا؟
لأن الطبيعي اننا في بلدنا ديه شبه ملناش كرامه.
او بمعني ادق لينا كرامه بس محدوده.
و لكن علي رأي الحزب الوطني بلدنا بتتطور بينا.

القصه و ما فيها انه كان عندي خط فودافون نوعه فري600.
إللي ميعرفش ايه النظام ده اقول له.
انت بتدفع 195 جنيه اشتراك شهري و تحصل علي 600 دقيقه لأي موبايل فودافون ببلاش طول الشهر و لو متكلمتش بيهم او فضل منهم حاجه بيتحولوا لك الشهر إللي بعده.
مش كده و بس لأ و ليك نمره واحده تختارها و تكلمها ببلاش طول الشهر بثلاث اضعاف الدقائق ديه.
انا كنت شغال فري600.
و كنت ماشي في الشارع و فرحان و بقول زي الإعلان انا فودافون.

جالي سفر في شهر 8 لأيرلندا.
سبت الخط مع اخويا و سافرت و قلت له روح اقفله بعد ما تتكلموا في الخط الشهر ده و قفل رصيد الشهر.
اخويا لما راح يقفله رفضوا، و قالوا ان الخط ده ملكيه خاصه زي الشقه و العربيه و مينفعش يتقفل إلا بتوكيل رسمي في الشهر العقاري.
طبعا انا مسافر و الفواتير بتتراكم و زي الفل.
وصلت الفواتير لحد 564 جنيه.
فواتير 3 اشهر، و بعد كده الخط اتقفل.

رحت اول السنه بعد ما رجعت لمصر لفرع فودافون.
قلت بقا ايه هيظبطوني و يعملوا لي تخفيض عشان انا راجل كويس و جي ادفع إللي عليا.

و بالفعل ظبطوني.

اخدت رقم و لقيت نفسي واقف امام احدي الفتيات العاملات هناك.
و طبعا اختيار الفتيات في فودافون للتعامل مع العملاء بيكون مميز.
لازم تكون واثقه من نفسها و انيقه و صاحبة ابتسامه عريضه و لازم تكون لابسه حاجه حمرا.

المهم بدأت اتكلم مع البنت و اشرح لها الوضع من ناحية السفر و كده.
قالت ديه غلطتك يا فندم كان لازم تيجي بنفسك.
قلت لها دلوقتي انتوا عايزين مني ثمن ثلاث فواتير من نوع فري600 و إللي انا فاهمه ان فيه رصيد بيتحول كل شهر.
ردت وقالت لأ مفيش رصيد هيتحول ليك لأن الخدمه وقفت.
قلت لها طيب و انا ادفع ليه كل المبلغ ده.
ردت و بأنشكاحه عريضه علي وشها: هتكون من عملائنا المميزين.
قلت لها يعني المفروض اني ادفع 564 جنيه عشان ابقي من عملائكم المميزين.
ضحكت و قالت آآآه.
قلت لها و المفروض لو مدفعتش ايه إللي يحصل، قالت مش هتكون عميل مميز.
قلت لها يعني انا بدفع ليكم الفلوس ديه عشان ترضوا عني.
ضحكت و قالت براحتك و بعد كده هتطالب بدفعها في المستقبل.

تخيلوا لو حد مكاني المفروض يعمل ايه؟؟؟
الكوميديا اني دفعتها.

بس اتخنقت قوي.
و سألت نفسي هوا انا عبيط قوي كده؟
انا دفعت ليه؟
المفروض مدفعش لأن ده ظلم.
العقد نوعه فري600 و اشتراكه 195 جنيه في الشهر عشان خاطر بيعطيني دقائق مجانيه.
يروحوا واخدين مني كل الفلوس ديه و ما خدش حاجه؟

قررت اني اشتكي فودافون العالميه.
لقيت ان اول طريق هوا فودافون مصر.

بالفعل بعت إي ميل شديد اللهجه إلي فودافون مصر اشكي لهم مشكلتي.
قلت لهم في النهايه انكم لا تسعون إلي إرضاء العميل و لكنكم تسعون إلي إرضاء ذاتكم.

لقيت امس إي ميل منهم بيطلبوا مني المزيد من المعلومات.
بعثت لهم المزيد من المعلومات عن مشكلتي.
و طلبت منهم تسوية مشكلتي بإما إعطائي المكالمات المجانيه التي هي حق لي.
أو حساب الخط الخاص بي علي انه من النوع الطبيعي و اشتراكي الشهري يكون بواقع 35 جنيه فقط و ليس 195.

و كان ردهم بأنهم سيقوموا بحساب 35 جنيه فقط عن كل شهر و سيتم رد مبلغ 461 جنيه و خيروني بأن يبعثوا لي رصيد بهذا المبلغ.
أو الإنتظار حتي يوم 16 لحين صدور الفاتوره الجديده و ان احصل علي هذا المبلغ نقديا من احد فروع فودافون.
و كان اختياري هو الحصول علي المبلغ النقدي مره اخري.

حسيت ساعتها ان الواحد لسه عنده كرامه يا جدعان.
و مش بتضرب علي قفايا و خلاص زي كل مره.

السؤال الطبيعي هل انا أحب ما فعلت؟
ام فعلت ما احب؟
انا لا اعلم لماذا دفعت الفلوس في البدايه و لا اعلم لماذا طلبتها من ثاني.
و لكن هذا ما حدث.

و دلوقتي اقدر امشي و اقول؛ انا فودافون.

لقد اصبحت خااااااااااااااااااااااااال

2008-11-14T01:45:00.000-08:00

اليوم 14 نوفمبر 2008.
صحيت الصبح بدري عشان اختي داخله تولد بنتها نورين.
الدكتور كان دائما بيقول انها بنت.
و تم اختيار اسم نورين من قبل اختي و زوجها.
ليهم الحريه التامه في انهم يسموا اسمها ايه، عشان بنتهم.

دخلت اختي العمليه، و العائله كلها هناك.
عدا انا في ايرلندا، و اخويا و والدي في البيت عشان مش بيحبوا العمليات.
اختي و امي و زوجها في المستشفي.
اختي تحت في غرفة العمليات.
الممرضه تطلع فوق و تقول لهم.
مبروك جالك ولد!!!!!!

مش معقووووووووووووووووووووووووووووووووووووووووول
ولد
يعني كل كلام الدكتور اثناء الحمل انها بنت و في النهايه يطلع ولد.
ديه حاجه جميله خااااااااااااالص.
مش مهم الدكتور غلط و احسن كمان انه غلط و لكن المهم انه طلع ولد.

و طبعا انتم عارفين المثل؛ الولد لخاله.
فأنا قررت اقتل اخويا عشان الولد يطلع ليا انا بس.
و في نفس الوقت لازم يكون اسمه احمد زيي بالظبط.
و إذا كانت البنت ممكن يسموها براحتهم، فالولد مش ممكن يسموه براحتهم.
لأن الولد لخاله.
يبقي لازم اسمه يكون زي خاله.

احساس جميل انك تكون خال.
و احساس اجمل انك تكون خال لولد.
و يكون اكبر واحد في العيله ولد.
مش تحيز ضد البنات، و لكن تحس ان اتولد راجل جديد.

المهم في الموضوع انه يتربي صح.
و علي ما اتعلمناه من سنة النبي صلي الله عليه و سلم.
و اهم حاجه انه يأذن للصلاه في اذنه اليمني و تقام الصلاه في اذنه اليسري.
و بعد كده تتجاب تمره و يحنك بيها، يعني تتحط في بقه بس كده من غير ما يبلعها.
و بعدين يتختن، او يتطاهر باللغه العاميه.
و بعد كده تتعمل له عقيقه.

طبعا انا عارف انكم جميعا مش مهم بالنسبه ليكم الكلام إللي فات كله.
و لكن المهم بالنسبه ليكم العقيقه.
إن شاء الله هتتعمل له عقيقه اول ما ارجع.
يعني آخر السنه إن شاء الله.

الواحد فرحان جدا.
و مش عارف ليه حبيت الولد ده من غير ما اشوفه.
منتظر عودتي إلي مصر بأقصي سرعه، عشان اشوفه.

انا مش شايف المقاله ديه ليها علاقه بموضوع الديوان و لكنها مذكراتي من الداخل لعلكم تعرفوا المود بتاعي.
و لكن لو هسأل سؤال هل تحب ما تفعل ام تفعل ما تحب؟
هيكون انا هفعل ما احب ان افعله من اجل هذا المولود الجديد.

عيش احلي ما في اللحظه

2008-11-12T14:30:00.000-08:00

زمان و انا صغير كنت بحب الشعر.

مش بحب اقرأه او اسمعه كتير و لكن كنت بحب اكتبه.

مكنتش بحب اللغه العربيه و النحو و الكلام ده، و لكن كنت بحب السجع و القوافي و الحاجات ديه.

بس فيه ابيات بتأثر في الواحد كتير، و اكتر ابيات تأثرت بيها، هيا أبيات الشاعر إيليا ابو ماضي.

كم تشتكي وتقول انك معدم والارض ملكك والسما والانجم

ولك الحقول وزهرها واريجها ونسيمها والبلبل المترنم

والماء حولك فضة رقراقة والشمس فوقك عسجد يتضرم

هشت لك الدنيا فمالك واجما وتبسمت فعلام لا تتبسم

ان كنت مكتئبا لعز قد مضى هيهات يرجعه اليك تندم

او كنت تشفق من حلول مصيبة هيهات يمنع ان تحل تجهم

او كنت جاوزت الشباب فلا تقل شاخ الزمان فانه لا يهرم

انظر فما زالت تطل من الثري صورا تكاد لحسنها تتكلم

واحد في الغربه، و كل اهله و حبايبه بعيد عنه، و حاسس ان ملوش حد في العالم.

و مش قادر يرجع بلده الأصليه و يعيش فيها.

و كل احبابه توفاهم الله، و مفيش حاجه حوله جميله.

و مع ذلك نظر لنصف الكوب المليان و ترك النصف الفاضي.

نظر حوله، وجد الدنيا زائله، و مفيش حاجه ذات قيمه ليتمسك جدا بيها.

و أحس ان قدرة الله اقوي من اي قدره.

و ما خلقه الله لنتمتع به اعظم من اي شيء.

نظر للسماء و للنجوم و للحقول و الأزهار.

كل هذه الصور الرائعه التي خلقها الله للإنسان، و مع ذلك يعيش الإنسان حزين.

كيف يعيش الأنسان حزين و هو يعلم ان الله يراه و يشعر بما في داخله و ما في قلبه.

علي أي شيء تحزن في حياتك.

الله عز و جل خلقنا و جعل لنا حرية الإختيار و القرار.

و نحن من نختار الطريق الذي نستريح فيه.

لماذا نختار الطريق المليء بالصعوبات و الآلام و امامنا الطريق السهل المفروش بالورود.

لماذا نعيش حياة تتعسنا و امامنا العيش الهادئ المريح.

لا تحزن علي شيء مضي، و انظر امامك فهذا ما جعله الله لك لتتمتع به.

عيش احلي ما في اللحظه.

عيش حياتك بكل ما خلقه الله لك من متع، و استخدمها فيما لا يغضبه.

اشكر الله علي ما خلقه لك و لتحمد الله كثيرا علي أنك إنسان.

و إن كان عليك ان تحمده كثيرا علي شيء آخر، فلأنه هداك للإسلام.

و أخيرا أتذكر كلمه قرأتها من قبل؛

إذا اردت شيء فاترك سراحه، فإن لم يعد؛ فإنه لم يكن لك من البدايه.

السؤال الطبيعي؛

هل هتعمل إللي بتحبه و خلقه الله لك و تتمتع به؟؟

ام ستحب ما تعمله و ستشكر الله علي كل حال و تحاول التمتع به؟؟

اترك لك صديقي الإجابه، و لكن ابحث بداخلك عما تريده من هذه الحياه الزائله.

زواج حب ام زواج عقل

2008-11-03T01:58:00.000-08:00

كنت في فرنسا في فبراير 2008.
اذهب إلي العمل في المواصلات كل يوم.
ليس معي عربه، و تلك هي فرصة الإختلاط مع الثقافات المختلفه.
بالفعل أيقنت ان فرنسا بلد الرومانسيه.

كل شاب يجلس مع فتاته و ترى معاني الحب تتجسد في اعينهم.
تحس انك أخطأت في يوم انك لم تحب.
تحس انك اخطأت في يوم ان من تحبه لم تتقدم له و تتزوج منه.

الحب و الرومانسيه في كل شيء.
في علاقة الشاب مع فتاته و الرجل العجوز مع زوجته.
الحب و العطف في علاقة الآباء مع الأبناء.
تفرح كثيرا لما يفعل الآباء مع الأبناء من اجل تعليمهم الأخلاق الكريمه.

و في وسط هذا الشعور الجميل المتناغم.
و الحب الصافي و العطاء الشديد.
فإذ بي اسمع في الأتوبيس بكاء طفل بالخلف و أم تنهر طفلها و يبكي.

حمدت الله ان هناك اطفال يبكون مثلما يحدث عندنا في مصر.
ألتفت سريعا لأري ماذا يحدث، فإذا بي اجد هذه الأم عربية الأصل.
محجبه، ملتزمه باللباس الشرعي، عربية الشكل؛ و بالطبع الإسلوب.
تنهر ابنها بشده، و تزعق فيه، و كل من في الأتوبيس ينظر لها، و مشاعر الغيظ تتفجر من اعينهم.
قد يكون سبب تفجر مشاعر الغيظ بسبب انها قطعت تناغم الحياه الفرنسيه.
او يكون هذا بسبب الطفل الذي قطع التناغم.
و لكن ما نراه كان النتيجه، أن تناغم الحياه قد قطع نهائيا.

قلت لنفسي في هذه اللحظه لماذا الأطفال العرب يبكون بهذا الشكل.
بينما في اوروبا الوضع مختلف كثيرا.
هل هو اسلوب حياه يختلف من شعب لآخر.
ام هي حياه نعيشها بلا معني للحب و العطف.

نقول عن الحياه في اوروبا انها عمليه.
و هم اناس عمليون.

و لكني اري ان هؤلاء البشر قد اختاروا ان يتمتعوا بحياتهم.
يتمتعوا بما وهبهم الله و يتمسكوا به.
لأنهم يثقون ان هذا ما رزقهم الله و عليهم ان يستغلوه افضل استغلال حتي موتهم.
يعيشوا احلي ما في لحظاتهم، و يتمسكوا بما في ايديهم ليحصلوا علي افضل اشباع لرغباتهم.

و لكن ماذا عن الوضع في مصر و العرب عموما؟

الحياه بالنسبه لنا كعرب لا يتحكم فيها العاطفه.
فتري الشاب يبحث عن زوجه تتجسد معها معاني الحب.
و لكن عندما يتزوج يختار بعقله البحت، و يترك العاطفه جانبا.
أو ترى الشباب يحب بشده و يتمسك بمن يحب و يترك العقل جانبا.

فينتج عن هذا اجيال من المجتمع غير سوي.
إما جيل يفتقد لمعاني الحب المتبادل بين افراد بيته.
او جيل جاهل للعقل و يفكر بعاطفته في كل مناحي الحياه.

و سواء كان ذلك او ذاك.
ينتج عن هذا اجيال تفتقد المعني السوي في التفكير و اتخاذ القرار.

إنني اوقن تماما ان علي الزوجين ان لا يتزوجوا إلا بعد إيمانهم انه لا يوجد شخصين علي وجه الأرض يحب بعضعم البعض مثلهم.
لأنه بهذا الحب تزول كل الصعوبات.
و تحل كل مشاكل الحياه.
و يصبح كل فرد لديه الرغبه في التنازل من اجل إسعاد الآخر.
و بالرغم إيماني بأن هذه الدرجه من الحب سبب لبدء العلاقه الزوجيه، فإني اوقن ايضا انه عندما تحب و تترك نفسك لهذا الحب، يجب ان تكون اخترت علي رأي صائب من العقل.

فلا تترك مشاعرك تدفعك للتنازل عن صفات سيئه لا يمكن تقويمها مستقبلا.
و لا تترك لعقلك ايضا عنان التفكير في كل صغيره و كبيره في الشخص الآخر.
و لكن فلتكون سويا في تفكيرك.
هل يستحق هذا الشخص أو الطرف الآخر ان تضحي بحياتك و سعادتك طوال عمرك من اجل ارضائه؟
ام هو بالنسبة لك شخص عادي مثله مثل أي شخص؟
و ما هي حدود التضحيه التي ستبذلها من اجل هذا الشخص؟

هل تتزوج بناء علي حبك و رغباتك و مشاعرك.؟
ام تتزوج بناء علي عقلك و رجاحته و التفكير القوي العميق؟

هل ستفعل ما تحب و تختار زوجتك بناء علي عاطفتك و جزء من عقلك؟؟؟؟
ام ستحب ما تفعل بناء علي قوة عقلك و رجاحته و شيء من عاطفتك؟؟؟؟

اتمني ان يرد علي احد اصدقائي الداخلين و يقترح علي شيئا.

بالنسبه للأخ حسين، اعتقد ان مقالتي هذه توضح لك بعض النقاط و اسباب تفكيري بهذا الشكل.
و قد اكون مخطأ تماما في وضع عاطفتي لشخص قد لا يكون يبادلني نفس الشعور.
و لكن ما اريد التأكيد عليه لك، ان بدون هذه العاطفه لن تكون الحياه سويه.

شكرا لك و لمن علقوا علي أي شيء قلته من قبل.

و تعدلت مقالتي

2008-10-30T02:36:00.000-07:00

اليوم 16 اغسطس 2009

تم تعديل مقاله كتبتها يوم 29 اكتوبر 2008

لم تعد لهذه المقاله أي معني سوي ذكريات شارده ليس لها داع ان تذكر من الآن فصاعداً

فما هو آت افضل بكثير مما قد مضي

و لينعم المرأ بحياته كما قسمها الله له.

و لتفعل ما تحب ولتنعم بحياتك في رضا الله لأنك ستحاسب عليها امامه.

و سأعاود الكتابه علي المنتدي قريبا إن شاء الله.

زي النهارده

2008-10-28T04:55:00.000-07:00

فيلم جديد.
اسمه زي النهارده.
انا شفته. منتهي الإثاره و الجزب.
و يخليك متوهم شيء و تفكيرك بيزقك علي طول ناحية الشيء ده.
بقيت انت البطله.
بقيت انت بتفكر زيها.
بقيت بتقرر زيها.

و لكن هل التفكير ده صح.
هل القرار ده صح.
مش مهم. المهم الفيلم يشدك.

انا معترض علي الفيلم لأنه بيتكلم عن القدر و يكأنه بحسابات بسيطه و بتركيب بعض المعلومات مع بعضها تقدر توصل لقدرك.

السؤال إللي ممكن يكون بيطرحه الفيلم، هل لو جت اللحظه المناسبه في حياتك انك تضحي بنفسك و تموت عشان حبيبك يعيش، هل هتعمل كده؟؟؟؟؟؟

انا طلعت من الفيلم بحاجه واحده، بأهمية انك تكتب مذكراتك.
انا كنت بكتبها زمان لحد ما ضاعت مني و طنشت.
بس بالأمانه حسيت انها في منتهي الأهميه.
و قررت إني ارجع اكتب مذكراتي من تاني.
لكن امتي هبدأ مش عارف.

نرجع للسؤال إللي قلته من قبل. هل تضحي بحياتك من اجل من تحب؟؟؟
يظهر لنا سؤال تاني، هوا يعني ايه واحد اغلي عندي من نفسي؟؟؟
و امتي يكون الشخص ده اغلي عندي من نفسي؟؟؟
هل التضحيه بأنك تموت مكان شخص بتحبه، مثلها مثل اي تضحيه اخري؟؟؟

مثلا لو انت ماشي مع اخوك و عربيه هتدوس واحد فيكم، و لازم تعمل حاجه من الإتنين.
يا إما تدفع اخوك للأمام و ساعتها انت هتتداس، يا إما تجري انت من امام العربيه و اخوك يتصرف و ساعتها هيموت.
لو انت فعلا في هذا الإختيار هتعمل ايه؟؟؟

طيب لو اخوك طلب منك شيء و قال لك اعمله ليا.
و الشيء إللي طالبه اخوك ده هتفضل تعمله طول عمرك.
و انت قررت لأ مينفعش اعمله لك.
مثلا اخوك طلب منك تدرس التجاره و انت بتحب الطب.
و قال لك يا تعمل لي الشيء ده يا إما لا انت اخويا ولا اعرفك.
و المشكله تتعقد شويه لو الشيء ده انت مش قادر تعمله لأخوك فعلا و مش عارف تديه وعد بكده.
هل هتخش كلية التجاره و تعيش حياتك كلها في مجال انت بتكرهه عشان خاطر اخوك بيحب كده؟؟؟

هل هتعمل إللي انت بتحبه و تزعل اخوك شويه و يرجع يحس بمعني كلامك؟؟؟
ولا هتخش كلية تجاره و تحبها و خلاص و تحب إللي انت بتعمله؟؟؟

انا عن نفسي لو العربيه جت تخبط اخويا و انا عارف انها هتدوس عليه او عليا.
انا متخيل اني هزق اخويا و احاول اهرب انا لو عرفت، و لو كلفني كده موتي او قطع رجلي و ايدي.
و لكن لو طلب مني اخويا او اعز من ليا اني افضل اعمل حاجه و انا بكرهها و مقدرش اوعده بيها طول عمري، انا مش هعملها.
ممكن اخويا يزعل شويه.
بس لما يلاقيني ناجح في هذا الشكل هيكون مبسوط.
ممكن منجحش خالص.
و لكن هكون انا اكثر راحه نفسيه من اي اختيار تاني ممكن اختاره.

السؤال الطبيعي؛ هتفعل ما تحب ام تحب ما تفعله؟؟؟؟؟؟؟؟؟!!!!!!!!

أسوأ صفه شخصيه

2008-10-24T07:33:00.000-07:00

نستيقظ صباحا في عجلة من امرنا.
متأخرين عن مواعيدنا.
و نقفز لندخل الحمام سريعا لنغتسل و نلبس ملابسنا.

و لكن لا تمشي الرياح دوما مع ما تشتهيه السفن.
تلاقي اخوك في الحمام.
بياخد حمام الصباح، يغني و يدندن
و انت مستعجل.
تخبط علي الباب، يا عم اخلص عندي ميعاد لازم الحق انزل.
يتأخر اخوك تلاقي نفسك متنرفز اكتر.
يطلع اخوك من الحمام يلاقي قنبله بتنفجر في وشه.
ايه كل ده يا عم مستعجل، كل ده بتستحمي، ما تخلص بقا.
يرد عليك بكل بجاحه، انت هتوجعلي دماغي ما انت صاحي متأخر، انا مالي.

قد يكون الرد مستفز.
و لكن.
مسألتش نفسك مره انت ليه بتعمل كده.
انت ليه متأخر و بتلوم غيرك.
انت ليه عصبي؟

الصفه السيئه إللي تكلمت عنها هى العصبيه.

بس تعتقدوا ديه اسوأ صفه شخصيه؟؟
لأ مش هيا ديه اسوأ صفه في الإنسان.

اسوأ صفه في الإنسان انه ميكونش قادر علي التغيير.
ميكونش قادر يقعد مع نفسه و يحدد مشاكله و المشاكل إللي الناس بتقولها و يغيرها.
فيه صفات شخصيه في الإنسان اتعود عليها.
الناس بتكرهها و مش بتتقبلها.
قد يكون من الصفات ديه ما ليس له قيمه بالنسبه للناس.
و فيه صفات وحشه الناس متقدرش تتعامل معاك مدام هيا فيك.

مثلا صفة الجود و الكرم.
ممكن واحد يكون كريم قوي.
لدرجة ان اخواته بتكره كرمه الزايد ده.
و لكن ديه مش صفه مهمه انه يتخلص منها بسرعه.
لأنها مش خطيره قوي و تعمل لك مشكله في حياتك إلا لو تحول الكرم للإسراف.
ساعتها تبقي صفه سيئه لازم تتخلص منها.

لكن صفه زي العصبيه.
صفه سيئه، و لازم تتخلص منها.
لأنها بتضر الناس في كل لحظه تشوفك فيها.
مش عارفين يتكلموا معاك، مش عارفين يناقشوك.
و يتنقل عدم المعرفه لخوف منك لو انت عزيز عليهم.
يخافوا يزعلوك، يخافوا يزعجوك، يخافوا يقربوا منك.
و بعد كده تتقلب لكراهيه.
أكره اتكلم معاك، و نفسي في لحظه ابعد عنك.

مش هحط امثله زياده لصفات بعينها.
و لكن عايز افكر من جوايا.
هل فيه مشكله في تغيير صفاتنا السيئه؟؟؟؟

اتذكر حديث الرسول "صلي الله علي و سلم" ، إنما العلم بالتعلم، وإنما الحلم بالتحلم، وإنما الصبر بالتصبر.
أو بمعني آخر؛ الواحد و علي ما يعود نفسه.

لو اتعودت تكون عصبي هتفضل عصبي، لو اتعودت تكون سيء الخلق هتفضل كده.
لو اتعودت تكون بخيل هتعيش و تموت كده.

هوا احنا عاجبانا حياتنا كده.
مش عايزين نغير نفسنا و عايزين نفضل كده.
نفضل بأسوأ الصفات و مش عايزن نغيرها؟

لما تيجي تشوف شاب أو شابه في اول لحظات قرب ما بينهم.
دايما بيسألوا بعض انت/انتي تحب ايه في الشخص التاني؛ بيكون الرد الطبيعي، يقبلني علي ما انا فيه.
بحلاوتي و وحاشتي.
برومانسيتي و عصبيتي.
بهزاري و نكدي.

طيب ليه منحاولش نتغير.
ليه منتقبلش النقد
ليه الدنيا متبقاش اسهل من كده.

لسه برده بنحب إللي بنعمله و مش عايزين نعمل إللي بنحبه؟؟؟؟؟؟

لسه عايزين نعمل الصفات السيئه و مش عايزين نتغير للصفات الحلوه.

سؤال تاني من داخلي.
لو عايز تعرفني اكتر رد الأول علي نفسك ليه مش عايز تتغير.

أهلا بكم في مدونتي

2008-10-24T02:45:00.000-07:00

السلام عليكم و رحمة الله و بركاته

هذه اول رساله لي علي عالم المدونات.
لست خبيرا بهذا العالم، و لم اشارك هذا العالم من قبل.
اشعر ويكأني أولد في عالم جديد، لأعيش تجربه جديده.
أشعر ان هذا العالم فلسفي، يتفلسف فيه الجميع.
عندما انظر إلي مدونة أي صديق أشعر ويكأنه افضل إنسان في التاريخ، و أفضل فيلسوف علي وجه الأرض.
اتأمل معه و اعيش معه، تؤثر في احاسيسه، و اتعايش مع تخيلاته.
اتمني ان يكون العالم مثل ما يراه و يعيشه.
اتمني أن احقق له كل امانيه.

و لكن ما ان اقابل هذا الشخص علي الواقع، فإذ بي اتسائل؛ هل نحن نعيش في عالم داخلي و آخر خارجي.
هل ما نقوله و نفعله مختلف عما يدور بداخلنا؟
هل بداخل كل منا فيلسوف يعيش بداخله؟
يتأمل الدنيا بقوانينه و افكاره.

أنا لا اريد ان اتفلسف من الآن بأفكاري و قوانيني الخاصه.
أريد ان يشاركني الآخرين عالم الفلسفه الذي اعيشه فأعيش معه.

أريد ألا اكون وحيدا بداخلي و متعدد الصداقات في الخارج.

أهلا بكم و مرحبا في مدونتي، اهلا بكم و مرحبا في عالمي الداخلي.
قد تكون صديقي او شخص اعرفه من خارجي و لكن لست صديقي من داخلي.
إن اردت صداقتي من داخلي فستري المزيد.
و لكن افتح قلبك مثلا افعل معك.